Libeliñas

23 ago 2016

Cordulia aenea (Linnaeus, 1758)

Impresionante libeliña de corpo peludo, metálico e escuro, algo broncíneo as veces. Destácalle o tórax con peluxe, e o abdome onde ten unha forma máis grosa coma de maza no S7-8. Na zona da fronte non posúe zonas amarelas.

Fotografías dun macho no Val de Arán 2016

Cordulia aenea de torax peludo

Cordulia aenea macho

7 ago 2016

Orthetrum chysostigma (Burmeister, 1839)

Na pequena viaxe ao sur de Portugal no verán do 2014 observamos varias das libeliñas que voan na península. Na zona central do Parque Natural do Sudoeste Alentejano e Costa Vicentina de Portugal fotografamos un macho e varias cópulas de Orthetrum chysostigma.

Os seus principais trazos son: abdome bastante esvelto con cintura entre S3 e S4 e tórax cunha franxa branca bordeada de negro detrás da base das ás anteriores.

Macho

Cópula

Característica da franxa branca no tórax.

24 jul 2016

Gomphus simillimus comendo un Calopteryx en Burgos

De camiño á Val d’Arán, xunto con Jose Gándara, Carmen e Ramsés Pérez, paramos a dar unha volta por Quintanilla del Agua con Alfonso Antón para poder observar algunha libeliña. Entre outras especies, como Calopteryx xanthostoma, Platycnemis acutipennis e Platycnemis latipes, tivemos a sorte de observar un macho de Gomphus simillimus comendo un Calopteryx tranquilamente mentres nós o fotografamos sen parar, e Martiño o gravaba.

Breve vídeo realizado por Martiño Cabana.

27 jun 2016

Coenagrion caerulescens (Fonscolombe, 1838)

Na viaxe a León observamos os primeiros Coenagrion caerulescens. Os seus trazos principais para poder diferencialos dos outros Coenagrions son: pterostigma pálido triangular no macho, apéndices superiores anais do macho máis longos e rectos (máis da metade de longos que o S10) e lixeiramente ganchudos, na femia podemos observar a prolongación en V na parte posterior do pronoto. Son moi difíciles de identificar en campo, é preciso sacar unhas boas fotos dos seus trazos principais.

Macho

26 jun 2016

Viaxe para coñecer as libélulas de León

Nesta breve viaxe por terras de León, visitamos Almanza, Villaverde de Arcayos, o Santuario da Virxe de Yecla e Santa María de Río.
Pese o pouco calor, tivemos a sorte de fotografar e gozar da observación de Calopteryx xanthostoma, Calopteryx virgo, Lestes barbarus, Lestes dryas, Lestes sponsa, Ceriagrion tenellum, Coenagrion mercuriale, Coenagrion puella, Coenagrion caerulescens, Enallagma cyathigerum, Ischnura graellsii, Ischnura pumilio, Pyrrhosoma nymphula, Anax imperator, Gomphus pulchellus, Crocothemis erythraea, Libellula quadrimaculata, Orthetrum brunneum, Orthetrum cancellatum, Orthetrum coerulescens e Sympetrum fonscolombei.

Fotografías 25 de xuño 2016