29 sept 2011

Sympetrum flaveolum (Linnaeus, 1758)

É unha libeliña moi engaiolante e garbosa, cunha extensa mancha azafranada que ocupa un terzo da superficie alar. Ten pterostigmas curtos de cor laranxa e ollos marróns coa parte inferior verde claro.
O macho é de cor vermella claro, e ten en vista lateral unha liña negra na parte inferior do abdome.
A femia é amarelo apagado. As manchas azafranadas das ás anteriores esténdese pola costa até o nodo.
Esta especie presenta na Península Ibérica unha distribución fragmentada e sempre asociada ás zonas montañosas, con escasas localidades coñecidas. En Galicia atopáronse unhas localidades na zona montañosa do Caurel e Trevinca.

Fotos de Caurel e Trevinca, 2010-11







Lagoas do Lombo, Trevinca.

4 sept 2011

Trithemis annulata na Terra Chá


"Eu amo a Terra Chá, sempre tan miña. Eu amo a Terra Chá tal como é: ..."
Manuel María
“Terra Cha” Edicions Celtas, 1954


Nunha visita na última semana de agosto as Lagoas de Riocaldo, observáronse dous machos desta especie, coa súa cor púrpura metálica tan atractiva.

Macho de Trithemis annulata, foto en Riocaldo

Foto do hábitat da Lagoa de Riocaldo.

Déixovos este enlace de interés, para coñecer a Lagoa de Riocaldo:
Terras do Miño 5
de oajme

31 ago 2011

Verín

"Naquela banda do río/ ten meu pai un castiñeiro,/ dá castañas en agosto,/ uvas brancas no xaneiro" Cantigueiro dos avós

Cando pensamos en Verín pensamos fundamentalmente na vila urbanizada, e no verán amósasenos como un pobo do interior de Ourense moi caloroso e sufocante.
Pero se percorremos o Verín natural, a súa fermosa natureza, proporciónanos unha variedade exquisita de ríos, montes, vales, arumes de verdor mediterráneo, cantos, cores e sons para fantasiar o noso antollo.
Sempre que visitamos Verín, visitamos a Xosé Ramón Reigada Verín Natural, gran coñecedor da flora e fauna da súa terra.
Neste último venres de agosto Xosé Ramón Reigada, Martiño Cabana e eu, visitamos o Canón do Mente, o río Mente, o río Támega, a Lagoa do Támega e Tamagelos. Entre Abellarucos, Martiños Peixeiros, Andoriñons reais, algún Escáncer cego, Sapos e Lagartixas dos penedos puidemos observar varios dos odonatos da zona.
Unha vez máis puidemos ver Trthemis annulata, e como sorpresa para rematar este día de campo, observamos un macho de Aeshna affinis.

Con estas fotos nos despedimos deste agosto 2011

Macho de Trithemis annulata

Macho de Trithemis annulata

Femia de Platycnemis acutipennis

Macho de Platycnemis latipes

Macho de Crocothemis erythraea

Macho de Aeshna affinis



Fotografías de Xosé Ramón Reigada dos ríos Mente e Támega,
agosto 2011

Mente

Mente 2

Támega, Tamagelos

Támega, O Pracer

Lagoa do Támega

Canón do Mente

E para os que queirades coñecer un pouco máis Verín recomendo visitar Verín Natural.

28 ago 2011

Erythromma viridulum (Charpentier, 1840)

Os machos pódense identificar facilmente por ter uns ollos dun rechamante vermello. Tórax lateralmente azul pero dorsalmente moi escuro con dúas bandas douradas. Abdome azul e negro. Apéndices anais negros curvados cara a dentro.

Femia azul e negra, con parte do tórax e os ollos verdosos. Abdome coa parte superior escura e lateralmente azulado ou verdoso-amarelo.



Sobrado dos Monxes e Guitiriz, agosto 2011

Macho de Erythromma viridulum

Macho de Erythromma viridulum

Detalle dos ollos

Macho de E. viridulum entre tándens de E. lindenii




Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941


Erythromma lindenii (Selys, 1842)

É de cor azul celeste con manchas lanceoladas negras no abdome en S3-S6. Os apéndices anais son negros, longos e curvados cara a dentro. Ten os Pterostigmas claros e longos.
As femias teñen unha banda dorsal negra nos segmentos do abdome, sobre unha coloración amarelenta, azulada ou verdosa.
Podemos atopalos tanto en augas estancadas de charcas ou presas, como en ríos de pouca corrente.

Guitiriz, agosto 2011

Macho de Erythromma lindenii

Macho inmaduro de Erythromma lindenii

Posta en tándem

Tándem de Erythromma lindenii



Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

14 ago 2011

Aeshna affinis Van der Linden, 1820

Os machos de Aeshna affinis presentan unha coloración verde-amarelada nos laterais do tórax coas suturas lixeiramente marcadas de negro, e con marróns e amarelo na parte superior do tórax. Ollos totalmente azuis e rostro claro branco-azulado. O abdome é negro con grandes manchas azuis cuádruplas por segmento, redondeadas ou subcuadrangulares.
A coloración do S2 é totalmente de cor azul cun debuxo de máscara en negro na parte superior.
Adoitan habitar charcas ou masas de auga estancada, preferiblemente con abundante vexetación, onde podemos observar como os machos patrullan incansablemente.
Pode parecer unha miniatura de Anax imperator, e diferénciase de Aeshna mixta pola marca no S2 pois Aeshna mixta ten unha marca en forma de copa de cor amarela na parte superior, e ten o tórax moi amarronado con bandas amarelo-verdosas nos costados, e o abdome da Aeshna mixta é pardo-roxizo con pares de manchas azuis posteriores do 3º ao 10º segmento.

Macho de Aeshna affinis. Ribeira, Agosto 2011.






Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

Sympetrum meridionale (Selys, 1841)

Sympetrum de tons suaves. Os machos teñen os ollos marróns coa parte inferior de cor clara pardo-anaranxados e luminosos. Cara de cor crema con partes ruborizadas. Pterostigmas laranxa claro. Patas practicamente amarelas. Tórax moi característico pola súa coloración uniforme de cor arxiloso ou asalmonado. Abdome vermello pálido ou alaranxado sen as dúas manchas negras características do Xénero no S8 e S9.

Agosto 2011

Macho de Sympetrum meridionale


Macho

Femia
 


Coloración do tórax


Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

2 ago 2011

Sympecma fusca (Vander Linden, 1820)

Esta especie de zygóptero resulta as veces difícil de observar pola súa particular coloración que o fai pasar desapercibido. Pasa o inverno como adulto. A súa coloración é pardo escura, cun tórax de tons acastañados e metálicos na parte superior e cor crema no resto. O abdome é fino e alongado con presenza nos segmentos de manchas lanceoladas castaño-metálicas. Ollos crema e pardo-negruzcos nas facetas superiores, sendo logo dun azulado escuro na madurez. Os pterostigmas non se solapan.




Fotografías de abril e maio 2011, Guitiriz e Verín

Femia de Sympecma fusca con coloración de inverno.

Femia de Sympecma fusca

Fotografías de finais de xullo e principios de agosto, Guitiriz 2011

Macho de Sympecma fusca

Femia de Sympecma fusca
Téneral macho de Sympecma fusca



Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

27 jul 2011

Platycnemis latipes Rambur, 1842

Patexa branca Platycnemis latipes

Os adultos oscilan entre os 33-37 mm. A súa coloración é moi clara, xeralmente branca con marcas ou manchas negro mate, algúns tons brancos dos machos tenden ó azulado e o das femias tende aos laranxas. O abdome branco dos machos ten nos segmentos S7 a S9 unhas liñas paralelas negras lonxitudinais. Machos con ollos azulados e femias cos ollos lixeiramente alaranxados. O máis característico desta especie son as tíbias das patas do 2º e 3º par, con forma máis dilatada e aplanada que as outras especies, e non posúen raia (teñen forma de pluma).
Podémola observar principalmente en ríos e regatos con augas correntes e ampla vexetación de ribeira. Tamén a podemos atopar nos prados que acompañan aos cursos do ríos.


Platycnemis latipes macho. Friol, Lugo.

Platycnemis latipes macho, Lugo.
Platycnemis latipes macho. Outeiro de Rei, Lugo.

Platycnemis latipes femia. Mondariz, Pontevedra.

Platycnemis latipes femia. Outeiro de Rei, Lugo.
Platycnemis latipes femia. Mondariz, Pontevedra.


Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941