Gompphus de coloración máis esmorecida que os seus conxéneres. Franxa interpleural completa e ondulada. S8-9 con forma de mazo pouco destacable. Ollos azul esvaído.
Liñas torácicas finas e franxa interpleural completa e ondulada
Macho
Macho comendo
Macho
Apéndices do macho
Femia de Gomphus pulchellus con apetito voraz.
Detalle visible do lateral do tórax da franxa interpleural completa e ondulada.
A Xeometría é unha parte das matemáticas que é responsable de estudar as propiedades e accións de figuras xeométricas no plano ou espazo.
Se observamos ao ambiente que nos rodea podemos percibir as relacións xeométricas abstractas que estudamos nunha parte das matemáticas, comprobando que a xeometría esta en todas partes. Por isto podemos dicir que a xeometría está presente moi concretamente na natureza e nas nosas vidas.
O robot libélula azul é un bo exemplo da utilización da xeometría para a creación dun drone alado. Neste vídeo de Festo Bionic podedes observar o incrible deseño dunha libélula automatizada. Festo é unha empresa familiar independente líder mundial en tecnoloxía de automatización.
Neste outro vídeo de Cristóbal Vila podedes ver máis relacións entre xeometría e natureza, principalmente ao final do vídeo onde observaremos unhas imaxes inspiradas no movemento dunha libélula.
Odonato de cor amarela e negra e ollos verdosos.
As liñas negras da parte cenital do tórax forman unha dobre O, posto que as manchas antehumerais están unidas á liña central.
O macho ten o apéndice anal inferior rematado cuns dentes pequenos e punzantes e os da parte superior ás veces son escuros.
Posúe normalmente un triángulo anal con 3 celas.
Na parte frontal da cabeza podemos observar unha mancha amarela no vértex. Temos unha boa descrición deste feito no apartado desta especie no Atlas de Odonatos de Extremadura, que está publicado en Pdf.
Segundo K.-D. Dijkstra (Guía de campo das Libélulas de España e Europa) existen tres subespecies en Europa: forcipatus, unguiculatus e albotibialis. Para diferencialas, soamente sería fiable identificalas examinando os apéndices de varios machos en vista lateral.
Fotos de machos, Verín 2013.
Baixo Miño 2014
Debuxo do tórax
Estas fotos van especialmente dedicadas a Martiño Cabana pola captura
deste exemplar fotografado para indicar as partes relevantes na
identificación deste odonato. Posteriormente o exemplar pousouse na rama
máis alta da Acacia dealbata próxima a nos.
A esta especie gústanlle os hábitat de ríos ou regatos rochosos ou de remansos soleados con augas ben osixenadas.
Baixo Miño
Río Támega
Recomendamos utilizar os seguintes libros e guías de consulta:
Sempre que nos atopamos con esta libélula vémola moi robusta, pois ten o abdome moi ancho e aplanado. Posúe grandes manchas marrón escuro na base das catro ás, en forma de barras nas ás dianteiras e triangulares nas traseiras. Os machos e as femias teñen manchas antehumerais anchas, branquexas e longas. O tórax e os ollos son marróns e o pterostigma negro.
O macho reluce e nunca pasa desapercibido co seu abdome azul celeste brillante con máculas amarelas nos bordos. Teñen o último segmento e apéndices anais negros. O macho cando é inmaturo ten unha cor ocre laranxa.
A femia é dunha cor discreta marrón verdosa con máculas amarelas grandes nos laterais do abdome.
Voan con moita rapidez sobre todo tipo de augas estancadas e soleadas e sobre tramos de ríos moi calmos.
Macho
Macho
Femia
Femia
Recomendamos utilizar os seguintes libros e guías de consulta:
