Anax ephippiger (Burmeister, 1839)

Nunha visita a finais de outubro do 2016 á Lagoa de San Pedro de Muro,  xunto con José Gándara, fotografamos varios exemplares desta libélula.

Anax ephippiger apareándose

Somatochlora metallica (Selys, 1871)

Na viaxe que realizamos en agosto do 2016 por Francia e Alemaña, unha das miñas prioridades foi fotografar Somatochloras, pero non son doadas de fotografar, son tremendamente bulideiras. Nestas dúas fotos “minimamente enfocadas” podemos observar unha das súas características de campo: as pintas amarelas da fronte.

Aeshna grandis (Linnaeus, 1758)

Foi unha das maiores sorpresas observar por primeira vez esta libélula de gran tamaño  e cor castaño-avermellado:
parece un pequeno volcán voando!

Ballons des Vosges, Francia, agosto 2016

Aeshna grandis

Aeshna grandis, fotografía de Martiño Cabana

Femia, Aeshna grandis, fotografía de Martiño Cabana

Femia, Aeshna grandis, fotografía de Martiño Cabana

Primeiras libeliñas do 2017

Onte día 18 de marzo observamos as primeiras libélulas do ano, dous exemplares de    Pyrrhosoma nymphula, unha delas ovopositando nun pío entre vides preto dos Peares, Ourense.

Hoxe varios exemplares de Sympecma fusca na charca do Barreiro en Guitiriz, Lugo.

Sympecma fusca

Sympecma fusca

Onychogomphus forcipatus forcipatus (Linnaeus, 1758)

Onychogomphus forcipatus é unha especie que se distribúe por gran parte do Paleártico Occidental, desde o norte de África ata os Urais,

Na Península Ibérica (e norte de África e sur de Francia) podemos atopar a subespecie unguiculatus, caracterizada por ter o ángulo entre o dente subterminal do apéndice inferior e o resto do apéndice de: 90º (25-120º) *Dijkstra pax.200

Pola contra, fora desta zona está presente a subespecie nominal (O. forcipatus foircipatus) caracterizada por  ter o ángulo entre o dente subterminal do apéndice inferior e o resto do apéndice de: >140º (120-160º) *Dijkstra pax.200

Debemos indicar que existen pequenas poboacións da subespecie nominal na Península Ibérica detectadas por Iñaki Mezquita e Antonio Torralba en Guipúzcoa.

Nos observámola en dous puntos da Alsacia (NE Francia)

Onychogomphus forcipatus forcipatus na Petite Camargue D´Alsace

Onychogomphus forcipatus forcipatus Fotografía de Martiño Cabana 

Comparación subespecies

Sympetrum sanguineum (Müller, 1764)

Sympetrum sanguineum macho, preto da Petite Camargue D´Alsace, 2016

Diplacodes lefebvrii (Rambur, 1842)

Fotos dunha viaxe a Portugal no verán do 2014.

Resultou ser unha das libeliñas observadas máis inquietantes pola súa coloración case totalmente negra. É un odonato tremendamente liorteiro e fascinante.

Diplacodes lefebvrii macho inmaduro

Macho inmaduro

Diplacodes lefebvrii macho

Macho