Trithemis annulata (Palisot de Beauvais, 1807)

Nesta visita a Verín, Ourense o día 21 de xullo, tivemos a sorte de observar esta especie de coloración tan atractiva.
O macho é de cor púrpura metálica e ollos vermello escuro, con veas alares vermellas e amplas manchas amarela azafranadas na base das ás posteriores. Ten en xeral unha pruinosidade violeta máis ou menos extensa.
A femia é de cor amarela-marrón, con extensas manchas azafranadas na base das ás posteriores. Posúe dúas manchas negras nos segmentos abdominais 8º e 9º.

Fotos en Verín, Ourense.

Macho de Trithemis annulata

Macho de Trithemis annulata

Vista en detalle da coloración das ás e do corpo

Femia de Trithemis annulata

Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

Orthetrum brunneum (Fonscolombe, 1837)

Hai uns días tivemos a nova de que aparecera Orthetrum brunneum na zona de Casaio atopada por José Gándara e Rafael Estevez. Este fin de semana, durante os traballos de campo para a busca de hérpetos, puidemos observar uns vinte exemplares desta especie. Esta observación constitúe unha nova cuadrícula de 10x10 km, xa que se sitúa ó norte da comarca de Valdeorras (Casaio sitúase ó sueste).

Orthetrum brunneum é unha especie escasa en Galicia, onde se ten citada na Guarda (sobre o 1920) e actualmente, en Caldas, Casaio e esta que referenciamos agora. A nivel ibérico a especie é escasa na metade occidental sendo relativamente abundante no levante.

Detalle do Rspl

Comparándoa con outras especies do mesmo xénero, distínguese de O. cancellatum en que esta ten a parte final do abdome de cor negra sendo en O. brunneum e O. coerulescens totalmente azul. Por outra banda, O. brunneum ten a cara azul claro e O. coerulescens é marrón ou marrón claro.

Fotografías de Martiño Cabana e Pepe das Pedras.

Libellula quadrimaculata

Especie fácil de recoñecer, pero nos exemplares adultos é difícil distinguir machos e femias, pois son moi parecidos, salvo que o macho ten no lateral dos segmentos do seu aplanado abdome unha fila de manchas amarelas, excepto no S9-S10 . Corpo marrón ou laranxa escuro e manchas marrón escuro na base das ás posteriores, con puntos marróns nos nodos de cada á.
Femia laranxa escuro cos 4 últimos segmentos abdominais negros, presentando a fila de manchas amarelas no lateral de todos os segmentos.

Fotos de Trevinca e Guitiriz

Libellula quadrimaculata macho

Libellula quadrimaculata femia

Libellula quadrimaculata

Libellula quadrimaculata despois da emerxencia ó lado da exuvia

Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

Oxygastra curtisii (Dale, 1834)

Caracterízase por ter unhas cores dunha beleza esmeralda peculiares, ollos verde lustroso, abdome con debuxos alargados amarelo limón sobre un fondo verde esmeralda escuro e brillante. Macho cos segmentos 7, 8 e 9 ensanchados e peludos, coa presenza dunha crista dorsal clara no décimo segmento.

Femia co abdome máis groso, coas mesmas cores e debuxos amarelos, pero sen segmentos ensanchados e sen crista dorsal. Ás coas bases afumadas de amarelo queimado.

Fotos en Guitiriz e Padrón, maio 2011

Femia inmadura de Oxygastra curtisii

Foto lateral da femia

Macho de Oxygastra curtisii

Foto lateral do macho

Crista dorsal dos machos

Cópula

 

Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

Calopteryx haemorrhoidalis (Vander Linden, 1825)

Macho de cor vermella bronce ou granate case negro, os machos adultos coa parte inferior dos últimos segmentos abdominais cor maxenta; ás escuras, excepto na base que son transparentes; tíbias roxizas.

Femia verde metálico bronce, ás cunha mancha escura apical ben delimitada de cor pardo-cobriza nas ás posteriores, pequeno pseudopterostigma branco.

Fotos en Fisterra e Ribeira. 2011.

Calopteryx haemorrhoidalis macho

Coloración do macho no S8, S9, S10 e os cercos

Femia

Macho inmaduro

Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

Calopteryx xanthostoma (Charpentier, 1825)

O macho é azul cobalto e ás escuras na súa metade distal, con nervación coloreada de azul.
Femia verde metálico con ás claras e pseudopterostigma branco, moi similar a femia de Calopteryx virgo, pero as veces pódese observar que as femias de xanthostoma teñen nos tres últimos segmentos e na parte superior, unha coloración pardo clara.

Fotos no Río Miño, na zona de Lugo e Rábade.

Cópula de Calopteryx xanthostoma

Femia

Macho

Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941

Platycnemis acutipennis

Patexa rubia Platycnemis acutipenis
Unha das súas características é a cor laranxa clara do abdome. As tibias das patas son lixeiramente aplanadas e ensanchadas nos machos, cunha liña lonxitudinal negra na metade superior. Pterostigmas alaranxados.
No macho adulto a combinación de ollos azuis, corpo alaranxado, e manchas negras dobres no S7-S9 é única.
A femia é máis pálida e normalmente presenta dobres e finas liñas negras en todos os segmentos abdominais.

Fotos en Guitiriz abril 2011

Detalle dos ollos azulados

Platycnemis acutipennis macho

Tándem

Detalle das tibias

Libros e guías de consulta:

Les Libellules de France, Belgique e Luxembourg. Grand et Boudot. Éditions Biotope. WWW.biotope.fr
Los Odonatos de Extremadura. A. sanchez García, J. Pérez Gordillo, E. Jiménez Díaz y C. Tovar Breña. Junta de Extremadura. ISBN: 978-84-606-4804-8
Field Guide to the dragonflies of Britain and Europe. K-D. B Dijkstra.British Wildlife. ISBN: 9780953139941