Erythromma lindenii - Donceliña de Linden

Encoro de Olelas. Baixa Limia, Entrimo, Ourense.

Guía das libélulas e libeliñas Baixa Limia - Serra do Xurés

Ver Guía

Orthetrum brunneum - Libélula mediterránea na Baixa Limia

 

Macho de Orthetrum brunneum

Femia de Orthetrum brunneum

III Simposio Ibérico de Odonatología, Irún 2021

 

III Simposio Ibérico de Odonatología

Irún, 10, 11 y 12 de septiembre de 2021

 

Trithemis annulata nas charcas de O Carpacedo

Nesta nova visita a Verín, Ourense, o día 14 de agosto, observamos que nas charcas de O Carpacedo esta especie aumentou considerablemente a súa poboación. Os machos son dunha fermosa cor púrpura metálica e ollos vermello escuros, con veas alares vermellas e amplas manchas amarelas azafranadas na base das ás posteriores. Ten en xeral unha pruinosidade violeta máis ou menos extensa. A femia é de cor amarela-marrón, con extensas manchas azafranadas na base das ás posteriores. Posúe dúas manchas negras nos segmentos abdominais 8º e 9º.

Macho de Trithemis annulata

Femia de Trithemis annulata

Viaxe á comarca Canal de Navarrés, Valencia.

Viaxamos dende Parga á comarca Canal de Navarrés no interior de Valencia. Escollemos como punto base o Hotel de Montaña La Rocha en Quesa, onde tivemos unha estancia moi agradable para descansar e contemplar a paisaxe de piñeiros, freixos, Pistacia lentiscus e aciñeiras .  

Nesta viaxe puidemos observar e fotografar a nova especie dos odonatos ibéricos, Onychogomphus cazuma Barona, Cardo & Díaz, descrita nun artigo publicado na revista Odonatologica, sendo a primeira especie nova descrita de odonatos no suroeste de Europa desde o século XIX.

Tamén observamos outras especies interesantes como Calopteryx haemorrhoidalis, que presenta nas costas mediterráneas unha coloración diferente ás do noroeste ibérico, así como as buligantes Trithemis kirbyi e Trithemis annulata,  esta última fotografada cun exemplar de Forcipomyia paludis.

Onychogomphus cazuma

Onychogomphus cazuma

Onychogomphus cazuma

Calopteryx haemorrhoidalis

Calopteryx haemorrhoidalis

Trithemis annulata

Trithemis kirbyi

Trithemis kirbyi

17 de maio 2020 Día das Letras Galegas

Hoxe celebramos o Día das Letras Galegas acompañados de fermosas libeliñas.

Vídeo realizado por  Martiño Cabana.

Coenagrion puella - Donceliña pequena

Centos de Donceliñas pequenas saíron  nestes días das súas exuvias para namorarse ao sol de maio.

 Libellula depressa - Libélula azuleira

As primeiras libeliñas do 2020 na Terra Chá

Nestes días nun regatiño próximo a nosa casa vimos as primeiras libeliñas do ano, unha  Pyrrhosoma nymphula e unha Calopteryx virgo.

Calopteryx virgo

Pyrrhosoma nymphula

Actividade "Libélulas da Terra Chá"

Nesta actividade de observación de libélulas, organizada por AGCT e a Deputación de Lugo,  na zona suroeste da Terra Chá, ao norte da cidade de Lugo, observamos moitos Gaiteiros, Donceliñas, Patexas, Libeliñas, Candís, Tizóns, Esmeraldas e Lavacús.

Aquí deixamos unhas pouquiñas fotos das máis interesantes.

Femia de Trithemis annulata

Femia de Trithemis annulata

Femia de Sympetrum sanguineum

Macho de Oxygastra curtisii

Odonatos nos Pirineos Orientais

Nesta breve visita ao Val de Arán, á Alta Cerdaña e ao Capcir, decidimos visitar de novo algúns puntos xa coñecidos como as fermosas lagoas do Lac des Bouillouses, pero tamén outros lugares novos na rexión de Occitania, principalmente na comarca de Capcir. Vimos un gran número de especies, pero as máis representativas foron Libellula fulva, Cordulegaster bidentata, Sympetrum pedemontanum, Sympetrum danae, Sympetrum flaveolum, Trithemis kirbyi, Aeshna grandis, Lestes sponsa e algunha Somatochlora dificilísima de fotografar.

Libellula fulva

Cordulegaster bidentata

Sympetrum pedemontanum

Sympetrum danae

Aeshna grandis

Aeshna grandis

Sympetrum flaveolum

Trevinca. Tablillas As Lagoas.
Logo dunha moi agradable e divertida estancia entre amigos no Trisquel, visitamos as lagoas de Tablillas e puidemos completar o día cunhas marabillosas observacións de Sympetrum flaveolum.

Macho noviño de Sympetrum flaveolum 

Femia nova de Sympetrum flaveolum

Unha das lagoas da zona

Baixa Limia, libélulas da raia seca

Nunha ruta herpetolóxica na Baixa Limia, observamos entre outras, dúas das libélulas protagonistas desta xornada, unha Anax imperator rescatada dunha Pelophylax perezi, que non tiña moi boas intencións, e unha femia de Cordulegaster boltonii que descansaba comendo tranquilamente nun camiño do val do Río de Vilameá.

Cordulegaster boltonii

Anax imperator

Veiga de Ponteliñares

Onte nunha visita ao espazo natural de A Veiga de Ponteliñares no municipio de Rairiz de Veiga en Ourense, observamos dúas especies de odonatos, un Gaiteiriño de inverno - Sympecma fusca e dous exemplares de Donceliña vermella - Pyrrhosoma nymphula.

Pyrrhosoma nymphula

Sympecma fusca

Primeira observación do 2019 na Lagoa de Cospeito

Hoxe observamos as primeiras libélulas do ano, Sympecma fusca.  Estes Gaiteiriños de inverno teñen un comportamento críptico, son adultos que emerxeron a finais do verán do 2018 e pasaron posiblemente a hibernación nalgunha percha vexetal ou baixo algunha cortiza de árbore. Durante esta primavera realizarán a ovoposición dos exemplares que emerxerán a finais deste verán.

Sympecma fusca

Sympetrum sanguineum (Müller, 1764)

Esta especie en Galicia podemos identificala facilmente,  xa que é o único Sympetrum de patas totalmente negras. Ten os pterostigmas curtos, estreitos e marróns e a base das ás con pouca mancha azafranada. O macho ten o tórax marrón escuro e abdome vermello vivo, con manchas laterais negras en S7 e S8. A femia normalmente é de cor amarela marrón, coas zonas antehumerais máis escuras. 

Macho de Sympetrum sanguineum na Terra Cha, Lugo.

Sympetrum fonscolombii (Selys, 1840)

Libeliña de ollos vermellos coa parte inferior azul celeste. Algunha das súas características de campo son as ás posteriores con mancha  azafranada e  pterostigmas amarelo claro bordeados dunha liña negra. O macho é de cor vermella intensa e a femia amarela verdosa.

Femia Sympetrum fonscolombii

Exemplar macho vello de Sympetrum fonscolombii

Macho

Femia

Macho

Femia

Inmaduro de Sympetrum fonscolombii